Республикалық жоғары медициналық колледжінің “РЖМК аруы – 2020” Қыз сыны байқауын өткіздік. Көптеген үміткер студенттің ішінен іріктелген сегіз қыз өнерлерін ортаға салып, сынға түсті. Кіл мықтының ішінен іріктелген сегіз қыздың кім мықтысын анықтауда әділқазы алқалары біраз қиналды. Себебі қатысукшылардың өнері мен дайындығы бір бірінен өткен еді. Нәтижесінде “РЖМК аруы – 2020” атанып, бас жүлдені – Бота Сембай, 1-орынды Ғалия Смайл, 2-орынды Эльвина Зукаева, 3-орынды Айкөркем Атай мен Назерке Сейдуллаева иеленді.
Әділқазы алқасы ретінде арнайы келген Телепродюсер, «5 студия TV production» -ның негізін қалаушы, «Шіркін LIFE», «Фобия», «Бәрі де мүмкін», «Мүмкін емес», «Ескі жыл есірке» және тағы басқа көптеген теле жобалар мен “Хабар” агенттігінің тапсырысымен түсірілген телесериалдардың продюсері – Толқын Сейдоллақызы, “Ерлан Айнабеков” сұлулық салонының негізін қалаушы, көптеген Халықаралық байқаулардың жеңімпазы, стилист, байқау демеушісі Ерлан Айнабеков және “КТК” телеарнасының журналисі, телепродюсер Сандуғаш Есенбекова мен Әнші, тележүргізуші Саяна Жолдасқа колледж әкімшілігі атынан алғыс айтамыз.
