«Медициналық және әлеуметтік күтім» құзыреттілігі шеңберінде «WorldSkills RVMK-2020» – II колледжішілік кәсіби шеберлік чемпионатының салтанатты түрде ашылуы өтті. Колледжішілік чемпионатқа «Мейіргер ісі» мамандығы бойынша білім алып жатқан 3-курс студенттері ішінен іріктелген 9 студент қатысып жатыр.
“WorldSkills” жұмысшы мамандар чемпионаты әлем бойынша ең ірі чемпионаттың бірі. WorldSkills Kazakhstan чемпионатының басты мақсаты: жұмысшы мамандардың абыройын арттыру, жас жұмысшыларға қазіргі еңбек нарығында сұранысқа ие практикалық дағдылар мен жоғары біліктіліктерді алу мүмкіндігін беру. Чемпионаттың бағдарламасы 6 модульден тұрады және оның ерекшелігі «Үй жағдайындағы күтімді үйрету» бөлімі ағылшын тілінде өтеді. Әр модульде «Стандартталған пациент» үйірмесінің белсенді студенттері актерлік шеберліктерін көрсетеді.
Қатысушылардың кәсіби құзыреттіліктерін чемпионатты өткізу бойынша жұмыс тәжірибелері мол «Мейіргер ісі» пәні оқытушылары сарапшылық жасады.
Сондай-ақ, сарапшылар қатарынада «WorldSkills RVMK – 2019» , «WorldSkills Almaty – 2019» және «WorldSkills Kazakhstan – 2019» чемпионатының алтын медаль жүлдегері «Мейіргер ісі» мамандығын бітірген түлегі Нұрсадық Нұрай Нүркенқызы қадірлі қонақ ретінде қатысты.
Колледжішілік ІІ «WorldSkills RVMK-2020» чемпионаты басталды
